Hatinggabi ng Abril 26, 1521, 60 sandatahang Kastila sa pamumuno ni Magellan, kasama ang 1,000 kapanalig na mga Cebuano sa pangunguna ni Raha Humabon, ang sumalakay sa isla ng Maktan. At naganap ang madugong digmaan sa Maktan. Ang mga sandatang pumuputok ng mga Kastila ay hindi natinag sa mga nagtatanggol na mga kayumanggi. Dito nakita ang mabangis na galit ni Lapu-Lapu para madepensehan ang lugar na kanyang nasasakupan laban sa mapanakop na Kastila. Nagpatuloy ang paghahamok ng espada ng mga Kastila kontra sa matalim na tabak ng mga Pilipino. Tumagal ang kanilang paglalaban sa loob ng mahigit sa isang oras. Namatay man ang maraming kawal sa magkabilang panig, hindi pa rin natinag si Lapu-Lapu kaya dito ay natamaan niya si Magellan sa bisig sa pamamagitan ng sibat. Subalit hindi rin natinag ang pinuno ng mga Kastila. Bagama't sugatan ay nanatiling nakatayo at ipinagpatuloy ang pakikipaglaban. Nagpalitan ng taga ang magkalabang panig at dito na natamaan si Magellan sa kaliwang hita ng matalim na tabak ni Lapu-Lapu na naging dahilan ng pagkamatay nito. Matapos ang madugong labanan, hiniling ni Raha Humabon kay Lapu-Lapu na kunin na lamang nila ang bangkay ni Magellan kapalit ng salapi ng mga Kastila, subalit ang kahilingan ng raha ay hindi pinaunlakan ni Lapu-Lapu. Sa halip ay ginawa pa niyang tropeyo ang bangkay ni Magellan. |
Translation Tools CONCORDANCE PROGRAM WORD
FREQUENCY COUNT TAGALOG-ENGLISH COMPREHENSION
LIST OF
READINGS |
